Sa pag bukas kan klase sa mga pampublikong eskwelahan (Elementary) na sakop kan DepEd Albay Division ngunyan na School Year 2024-2025, maga kuruha naman po kan Weight and Height kan mga learners ngani ma-determine nindo an saindang Baseline Nutritional Status (WFA, BMI-FA, Adult BMI, HFA)
Sept 2023 file images from Nagas ES, OND
Tiga engganyar ko po an gabos na School Health Coordinators, SBFP Coordinators, Clinic Teachers o kung sisay man po an naka assign sa pag preparar kan Baseline NS Report sa schools, na makipag koordinar na po sa saindong District Nurse ngani matawan kamo kan most recent version kan TfCA file na paglalaagan nindo kan mga essential dataset kan learners arog kan name, date of birth, gender, weight, height.
Mas magiging madali po an trabaho kung igwa kamo kan mga pre-filled TfCA files hale sa saindong District Nurse dahil an gigibuhon na lang nindo ay direkta ng laagan kan mga Kinder dataset, direkta ng mag update kan Grade 1 to Grade 6 (or SPED) dataset and mag dagdag or mag tanggal kan mga trans-in or trans-out learners sa kada section kan kada grade level. Dakulang tabang po yun kesa magpuon kamong encode sa blank template!
Per info from DepEd Albay Division NS Coordinator (Nurse Joey Diaz), pwede na po kamong mag height and weight taking puon August 05, 2024. Segun saiya, ang deadline of submission kan 25 district reports for Division Level consolidation ay sa August 15, 2024. Ibig sabihon po kaiyan, kaipuhan igwa na kan final District Consolidated Report ang kada District Nurse before August 15, 2024.
Tandaan ta po pirmi na dae makaka gibo nin School Consolidated Report kapag kulang pa ang mga Per Class Data sa TfCA. Dae makaka gibo nin District Consolidated Report kapag kulang pa ang Reports kan gabos na Schools kan district. Dae makaka gibo nin final Division Consolidated Report an Albay Division kapag may kulang pang maski saro sa 25 district reports. Salamat tabi sa kooperasyon nindo. 🙏
